أمال

 محتاجين اليومين دول نركز في معنى التكبير كل ما كبر الله في القلب صغر امامه كل شئ

تبدأ الصلاة  بالتكبير

              وهو ما يُعرف بـ تكبيرة الإحرام
 وسُميت بذلك لية؟    
                                     لأنه يَحرُم بها على المُصلِّي ما كان حلالاً له قبلها من مُفسِدات الصلاة؛ كالأكل، والشرب، والكلام وغيرو

ويوجد العديد من التكبيرات الأخرى في الصلاة
                                   وتُعرف بـتكبيرات الانتقال

التكبير في الصلاة إما واجبٌ وإما مندوب
 فالواجب أو الفرض أو الرُّكن هو تكبيرة الإحرام للدخول في الصلاة

   النهاردة عاوزين نتأمل فيها 
لية ربنا فرضها علينا 
مش علشان بس نقولها باللسان

 اي فرض ربنا فرضه علينا بيتكرر باللسان بيكون هدفه ان تصل للقلب ويستشعر بيها
 
هنبدء من اليوم نكبر في 20 دقيقة بقلوبنا 
يعني الطبيعي بتعنا اننا نقعد كل يوم 20 دقيقة المعروفة
        وضوء بنية
        ملابس فضفاضة
        برفان بخور المكان يكون منعش وفي أكسجين متوفر هواء نقي
       هدوء تام في عتمة الليل بعيد عن أي مؤثرات بشرية 
وهنكررها لمدة 20 دقيقة 

🤍الله اكبر 🤍

رددها كتير وغمض العينين وتركيز شديد في معناها 
هتتعب في الأول هتلاقي لسانك شغال وعقلك تايه ركز وامسح اي خواطر تنفس كل ماتجيلك خاطرة أتنفس واشفط بطنك 
هتخلي التركيز يروح للبطن فتلهي عقلك بجسمك مش خارج جسمك
عرفتو لية التنفس ضروري جدا جدا لأنك بتلهي نفسك عن الزوغان خارج جسمك 
20 دقيقة بس تكون كلها غذاء رباني نور

 كل يوم من النهاردة الي اول ليلة في رمضان

نور الله اكبر 
نور الله
نور الخلوة 
                 الريئكشن رددت فعلك هتكون
مبتسم 
منتعش
هادئ
مطنش 
يعني كل شئ بقة صغنن
همك ال كنت فاكر انو كبير اوي ومكبر الموضوع 

 هتلاقيه نونو فتفوتة
كل ال كان غيظك هتضحك علي نفسك منو
اه والله بس انتا ركز كده وهتها صح من جوه قلبك 

ياربي عبدك ببابك ينتظر عطائك ياكريم اجعل خير ايامي يوم لقائك ارنيها ياربي قبل الممات بشرني ياكريم قبل أن تقبضني بكرمك انك قبلتني وانك لن تعذبني ولن تحاسبني اللهم رب البسطاء اكتبنا مع البسطاء وابسط علينا في العلم والجسم برزق الروح والجسد واراضنا وارضي عنا رضاء لا سخط بعده واجعلنا سعداء ياكريم