أمال

ليله مباركه ليله ٢٧ 

رمضان لرمضان كفاره لما بينهم 

عايزة نظهر أصلنا وحبنا ونظهر شكرنا المولي عزه وجل معيشنا كل ده 

وأكرم علينا بنعمه ظاهره وباطنه علشان نكون من شاكرين واللي خدت معايا رب أوزعني وعملتو هتحس اوي بكلام ده واللي عملت بردو ياحي ياقيوم كل كلام اللي بقولو مش جديد عليها لان انا بحضن علي وارد عندها هي بتشتغل بيها ربنا يثبتنا جمعيا علي رب أوزعني الي مابقيا من رمضان زي ماسيدنا النبي شافتو ستنا عائشه تعبان واقف علي رجلي طول الليل فهي صعبان عليها فتقولو يارسول الله مش ربنا غفر لك ماتقدم من ذنبك اللي أحنا بنلعب عليها دي 

قالها نعم ياعائشه أفلا أكون عبد آشكورا 

ازاي تعرفي ربنا تقبل منك ولا لا لما تلاقي دي موجوده عندك كلمتين اللي قولتهم دلوقتي أنكي تكوني واثقة فعلا أن ربنا غفرلك ماتقدم من ذنبك ويكون ثمرة ده مفيش حاجة أسمها مفيش ثمرة لان قبول أي عمل الشكر 

بس مش الشكر اللي أحنا بنشكرو 

الشكر بتاع سيدنا النبي الشكر العملي اللي هو واقف طول الليل بيشكر ربنا بالصلوات بتاعته 

أفلا أكون عبدا شكورا اللي مش هتطلع من رمضان ده بالمعني ده مغروس في قلبها زي نخلة ونخلة دي تفضل سنةة ورا سنة علي قد ماربنا يديكي من طوله العمر تكبر نخلة الشكر جوه قلبك اعرفي أنك لما يقبل منك رمضان والعكس بالعكس 

ليلة يفرق فيها كل أمرا حكيم يعني الناس تمكر طول السنين وتلف ودور حولين بعضها وتدخل في رمال المتحركة ومتعملش بالوجبات 

 بتشكري اه بقول الحمدلله والشكر لله شكر النعمه هو شكر البشر من لايشكر الخلق لا يشكر الخالق اللي معندوش أصل معندش حاجة مقبولة في حياته عشان كده ربنا قال علي والوالدين أحسنآ

يعني أحسان أفوره الشكر للوالدين 

اللي ينسا دول وميرجعلهمش ويبوس أيدهم ورجلهم ويشكرهم انسي خالص انك بتشكري ربنا

يبقي دليل شكر الخالق 

شكر الخلق اللي ربوك وتعبو فيك وعلي حسب كل ميكون أصيل يشكر أكتر وشكر ربنا في العبادات أنا لما اجي اقوم أعبد ربنا علشان اشكرك زمان كنا بنقول حتي أحبك كل مقوم من اي ركعه عشان حتي أحبك أمسك السبحة حتي أحبك ومازالات موجوده معانا وهتفضل معانا ودليل وارادت حتي أحبك الشكر اني بشكر ربنا رب أوزعني أوزعني حسيها فعلا كأن بؤره نور قدامك في قلبك ونور ده بينتشر في كل خليه من خلايا جسمك رب أوزعني أن أشكر نعمتك اللتي أنعمت عليا وعلي والدي

ربنا بيوريكي لو أنتي بتشكري دول ربنا بيقولك انتي تماما وأن أعمل واهو دليل القبول صالحا ترضاه

طول مالعمل الصالح بين عنيكي هدف لحياتك ربنا قبل منك كل حاجة 

طول منتي قاعده بدوري في فلك النهارده العمل الصالح أيه يارب هتقبل مني ايه طب معنديش حاجة جديده هعملها طب يارب هب لي من لدنك عملا صالحا يقربني اليك طب يارب قبلت مني اللي فات ولا لا 

واقفتك في المطبخ وشيلك للعيال ومرعيتك في حقوق زوجك والأبتسامه في وش جوزك وأنتي تعبانة ومش طايقه اي حاجه في الدنيا وتضغطي علي نفسك عشان ده وده هي مش عشان ده هي عشان ربنا مش بعمل كده عشان جوزي يقولي برافو عليكي أنا بعمل ده عشان حبيبي وحتي لو أنا أضحك عليا والدنيا خدتني وضحكو عليا خلق الله ونبي يارب خدني معلش سامحني عديهلي تجاوز عن سيئاتي يارب أنت شايفني وشايف الدنيا شديده عليا وانا ضعيفه وسيدنا علي قال طلقتها ثلاث وأنا مش عارفة اطلقها زيو يارب خد بأيدي 

عارفين الحورات دي هي دي المناجاه أن ربنا يولدك فيها من أول وجديد مش بس يمسح اللي فات مش بس عفو وعافيه أحنا عايزين يبدل السيئات للحسنات 

أصل انا كنت قليلة الادب اصل انا عملت بلاوي سودا كتير وأنت عارف يارب أنت اني عملت كل حاحة وحشة كانت مزعلاك انا طماعنه 

العشرين سنه اللي فاتو دول علي حسب سني أحسب عشرين سنه اللي فاتو والعك اللي عكتو ده

بدل كل اللي فات ده حسنات ارقدي الليله دي علي معني ده 

 فان ليله ٢٧هي ليله القدر سيدنا عمر قال عليها أكتر من روايه بيأكد فيها أن ليلة ٢٧ هي ليلة القدر 

النهارده عايزاكم تقعدو تحسبوها كده سنين عمرك من ساعات مبلغتم لغاية اللحظه دي تقعد تحسب سنين عمرك دول كام سنه وتقعد تلعب عليهم كل اللي فات ياربي مش مات لا انا عايزاه يتبدل حسنات أشبطيلي فيها دي امسكي الشبكة وقولي يارب بدلي السيئات حسنات وأعني علي ذكرك وشكرك وحسن عبادتك مش بس كده لا أفتح مسامع قلبي لذكرك 

النهارده تغتسلي بعد المغرب معرفتيش خلاص بس خديلي الليل كده بطولو مبتعمليش حاجة غير كلام ده 

أكبر دليل علي شكر النعمه عموما أن الصلاه علي النبي متسبش لسانك أصلا ده مفروض تكون اكبر ثمره اصلا للقبول شهر رمضان أن انتي تصلي علي حبيبك صل الله عليه وسلم وبتصلي عليه من مبدأ الشكر رب أوزعني 

طب بالنهار نقعد نصلي عليه وبليل نقعد نصلي عليه وفي نص نقعد نتكلم مع ربنا المناجاه في رايحه والجايه وأنتي بتطبخي وتعملي وفي كل تفاصيل حياتك اليوميه مش شايفه غيرو قدام عنيكي وبتصلي عليه وبتقوليلو بحبك ياحبيبي وحشتني نفسي أشوفك ياحبيبي وتكملي كلام مع ربنا وتفضلي تصلي علي سيدنا النبي صل الله عليه وسلم مش عايزه اقولك النهارده اخر محطه النهارده مفيش دلع خلاص من قام رمضان وعدت علينا من قام العشر وعدت علينا وفي ناس مننا وقعت

ومن قام ليلة القدر غفر له ماتقدم وماتأخر من ذنبه أحنا بقي عايزين الحتة دي غفر له ماتقدم من ذنبه اللي جاي مات اصلا 

اللي جاي مات يعني ربنا مش هيسمحلك تعملي معصية يعني دليل اللي جاي مات ده مش أنتي تعكي وربك يفك لا أصلا مش هتخشي علي دايره المعاصي ولا الفجر ولا الكبر ولا قلة الأصل وكلام اللي عرفينو ده كله عن البشر مش هيكون ده موجود اصلا دليل قبول رمضان كل الصفات القذره اللي جوانا اتمسحت 

ربنا ينور قلوبنا وبصيرتنا ويمحو كل شيء جوانا من السواد اللي في صندوق الاسود ويصفي قلوبنا من ناحية بعض ويوصلنا لاكبر معاني الشكر بسيدنا النبي صل الله عليه وسلم ويخلينا نسجد معاه في اليوم الأعظم في الحب الأعظم أنا بعتبر اللقطه دي أكبر دليل علي حب ربنا لسيدنا النبي طبعا كلها دلألل حب اصلا القران كله حوار بين حبيب وحبيبه كل كتاب ربنا حوار بين الحق وحبيب الحق صل الله عليه وسلم لكن اللقطه دي بعمرنا كله اللي أحنا مشفنهاش واللي هنشوفها باذن الله واللي أتمني نكون ساجدين جنب سيدنا النبي صل الله عليه وسلم لما ربنا يلهمو المحامد كل الأنبياء هتروح تشفع وخلاص ربنا غضبان رب العزة غضبان الغضب الأعظم مافي نبي عرف يهدي ربنا لغاية ماسيدنا النبي يجي ويسجد تحت العرش واصل شوفو كلمه ألهام المحامد يعني أصلا انا بحبك من كتر مابيحبك بيلهمك المحامد دليل المحبة ألهام المحامد ويجي سيدنا النبي يسجد وربنا يلهمو المحامد ويفضل يشكر ويحمد ربنا لغاية ماحبيبنا ربنا سبحانه وتعالي يرضا ويهدي والغضب يروح ويقولو أرفع رأسك ياحييبي وأشفع تشفع عايزين نكون معاه في اللقطة دي عايزين نوصل للمرحله دي عايزين نخرج من القرف والدنيا دي الا لما نكون معاه في السجده دي والنور ده واللقطه دي نكون معاه وساجدين معاه شامين نفسو وهو ساجد تحت عرش ربه اللهم امين